- NANGGUHKA MISA NINTING HARI ENGGAU MISA HARI MINGGU
Nitihka Prosedur Operasyen Standard (SOP) ti pemadu baru ti dikeluarka Komiti Mutarka Penusah Ngenyit Nengeri Sarawak (JPBNS) enggau Unit Pekara Jalai Pengarap Bukai (UNIFOR), gerija ti dalam Zon Kuning enggau Gadung dikemendarka dibuka ungkup besembiang aja, tang penyampau orang ti dikemendarka ba siti-siti maya iya nya enda lebih ari 100 orang. Laban Bintulu agi ba Zon Mansau, gerija kitai agi bedau ulih dibuka.
2. GAWAI MISA BEGULAI NGINGATKA ORANG TI UDAH PARAI (REQUIEM MASS)
Gawai Misa Begulai Ngingatka Orang Ti Udah Parai ungkupka Bulan Dua (Februari) tu diatur kena Hari Lima (Jumaat), 26hb. Februari 2021, jam 7 pagi maya misa ninting hari ke ditabur terus nengah online. Tau ngerijista ba Opis Gerija tauka WhatsApp ngagai opis gerija ngena numbor, 016-2248126 nama sida ke udah parai lalu diseretaka gambar skrin slip bank ke pemeri ti udah dipasukka ngagai akaun gerija (St. Anthony’s Church Fund, Maybank Account Number: 511065519336) sebedau Hari Tiga (Rabu), 24hb. Februari, 2021.
3. SEMBIANG JALAI REGANG
Bisi Sembiang Jalai Regang diatur terus nengah Online tetiap Hari Lima maya Musin Lent tu.
| 7:30 LEMAI | JAKU ENGLISH | KATHEDRAL ST. JOSEPH, MIRI |
| 7:30 LEMAI | JAKU IBAN | GERIJA ST. DOMINIC & THE ROSARY, TAMAN TUNKU |
| 7:30 LEMAI | JAKU MANDARIN | GERIJA ST. ANTHONY, BINTULU |
| 8:30 LEMAI | BAHASA MALAYSIA | KATHEDRAL ST. JOSEPH, MIRI |
Tau dipeda ba FB tauka Channel YouTube ba siti-siti gerija.
4. MINTA SAUP BEJUALKA KUPON EASTER DRAW 2021
Gerija minta saup raban gerija bejualka kupon Easter Draw ngagai bakih kita tauka bakih ke sama enggau kita kereja ke ukai dalam raban gerija. Kitai bisi dalam tempuh 2 bulan endur bechabutka Easter Draw tu, iya nya kena 10hb. April kena ngiga belanja ka Kathedral kitai ti baru. Kupon bisi ba opis gerija lalu sebarang tanya, tau talipon ngagai opis gerija ngena numbor 086-312184 tauka WhatsApp ngagai numbor opis gerija, 016-2248126. Kenyau ari Taun 2020, gerija udah nyual sepenyampau RM 50,000 rega kupon. Gerija meri besai terima kasih ngagai sida ke udah gerah jari bebelika kupon lalu arapka mayuh agi meh bala bukai nyerahka diri besaup bejualka kupon tu.
5. PEMERI MUSIN LENT 2021
Musin Lent tu meh maya ti manah endur kitai nyuaka pemeri. Gerija meransang raban gerija enggau gerah jari meri pemeri ngagai Catholic Welfare Services awakka kena nulung orang ke seranta ba Diocese kitai. Raban gerija ke deka meri pemeri, tau ngenataika diri ngagai opis gerija tauka WhatsApp ngagai 016-2248126 enggau madahka nama diri lalu enggau gambar skrin slip bank ke pemeri ti udah dipasukka ngagai akaun gerija abis laun kena 30hb. Jun 2021. Pemeri RM100 enggau ke atas ulih dilepaska ari chukai. Nya alai, tau madahka opis gerija enti deka begunaka resit dikena ngelepaska pemeri tu ari chukai.
Fr. Andy Lee
Gerija St. Anthony, Bintulu
