- ATUR PEMADU BARU DATAI ENGGAU MISA
Belabuh ari Bulan Sepuluh tu, raban gerija, nyengkaum bala nembiak ke deka datai enggau Misa Hari Minggu mesti udah tembu nerima 2 dose vaksin. Minta nganjung setipikit udah divaksin lebuh nuan ngaga booking enggau misa.
2. PENATAI BA MISA
Minta kasih ari bala ke udah booking enggau misa, tentuka kita datai enggau misa. Enti nuan enda ulih datai, tulung madahka orang ke ngatur booking ngambika penuduk nuan tau diberi ngagai orang bukai.
Laban diatu sida ke bekuasa enda agi ngaga pengawa ti begigaka orang ke bisi kaul rapat enggau orang ke bisi positif covid-19 (contact tracing), nya alai nyadika tanggungjawab nuan empu ngambika selalu nentuka pengelikun enggau pengerai diri belama.
Enti kita bisi kaul rapat enggau orang ke bisi kes positif Covid-19, minta kita nyeliahka diri begaul enggau orang bukai (self-isolation) pengelama 2 minggu, ngaga peresa swab lalu nyeliahka diri ari enggau Misa. Enti nuan ngasaika diri enda gerai tauka bisi ngasaika diri tabin, batuk, sakit rekung, beresin tauka ngasaika diri pedis enseput, minta kita anang datai enggau Misa.
Laban pemayuh orang ti ulih enggau misa semina ditatak 100 iku aja, nya alai kitai diperansang anang booking tetiap misa Hari Minggu ngambi meri peluang ngagai orang bukai ke ka enggau misa mega. Kitai patut ngira orang bukai mega ka datai ke Gerija, nyengkaum sida nembiak ke udah tembu dituchuk vaksin. Gerija meransang sapa ke deka nerima Komuni Kudus datai enggau Misa Ninting Hari (Daily Masses) di Gerija St. Anthony, jam 7:00 pagi (Hari Satu – Hari Enam) lalu jam 6:30 lemai (Hari Satu – Hari Lima) enggau chara datai terus (walk-in).
3. KURSUS KAWIN DALAM JAKU IBAN SECARA ONLINE
Kursus kawin dalam jaku Iban deka diatur kena Hari Enam, 23/10/2021 jam 8.00 pagi ngagai 2.00pm ngena chara online (zoom meeting).
Bujang dara ti ngelanggur diri deka nerima sabungjadi ba gerija tau ngerejister enggau kursus tu ba opis Gerija St. Anthony (016-2248126) enda laun ari 20/10/2021.
4. BEJUAL BUNGAI MAYA ALL SOUL DAY
Ladies Guild Stella Maris (LGSM) bisi bejual bungai dikena maya ALL SOUL DAY (2/11). Rega sepasu bungai RM35.00. Raban gerija ti deka meli bungai tau booking nengah Focal Person LGSM:
Pn. Catherine Jawan (012-8567331) enggau
Pn. Patricia Jeliah (019-8806312)
Ari diatu ngagai – 30/10/2021.
Bungai tau di ambi berengkah ari pukul 10 pagi – 5.00 lemai kena 1/11/2021 ba Stella Maris.
5. PEMINDAH BALA PADERI
Belabuh ari 3hb. Sebelas 2021 tu, Fr. Damian deka pindah ngagai Parish Good Shepherd, Marudi nyadi Ketuai Paderi (Rector) di din. Rev. Fr. Damian udah mela ba Gerija St. Anthony, Bintulu, kenyau ari Bulan Tujuh 2019 suba. Kitai meri terima kasih ngagai Allah Taala ke udah ngirumka Fr. Damian mela ba parish kitai lalu kitai besampi awakka Tuhan terus merekatka iya ba parish ti baru. Iya deka diganti enggau Fr. John Ciril, paderi Mill Hill ari India ke diatu agi mela ba Lapok.
6. BAPTISA ANAK MIT DALAM JAKU IBAN (UMUR BARUH ARI 5 TAUN)
Apai indai ti deka maptisa anak sida tau rejister nama anak kita ba office gerija belabuh ari 18/10/2021 ngagai 31/10/2021. Kursus ke bala apai indai sereta enggau saksi diatur maya malam 4/11 & 5/11/2021 secara ONLINE. Link zoom meeting deka diberi ngagai apai indai & saksi sebedau kursus belabuh. Aribulan baptisa deka di tentu ke Rector Parish St. Anthony.
7. Ngerijista masuk Kindergartens katolik 2022
Kindergartens Katolik, Tadika St. Anthony enggau Tadika Santa Maria diatu dibuka kena ngerijista ungkup 2022. Ngelaluka semua anembiak ke ada dalam taun 2016, 2017 enggau 2018. Dipinta ngerijista enggau pengetua tauka deka nemu penerang ti silik agi tau betanya ba :
- Tadika St. Anthony (Bintulu): Ms Magdaline May ba talipon 086-315178, 0178597729
- Tadika Santa Maria (Sungai Plan): Ms. Regina Salleh ba talipon 0109663735
Fr. Andy Lee
Gerija St. Anthony, Bintulu
