MUSIN LENT (C)
(6HB. TIGA 2022)
- ATUR SEMBIANG JALAI REGANG
Sembiang Jalai Regang bisi diatur tiap-tiap Hari Lima baka ti di baruh:
| Endur | Jam | Jaku |
| Gerija St. Anthony | 5.30 lemai 6.45 lemai 8.00 lemai | English BM Iban |
| Parish Hall St. Anthony | 7.30 lemai | Mandarin |
| Rumah Penampak Kristus, Sg Plan | 8.00 lemai | Iban |
Ngagai kitai ke deka ngaku penyalah, bala paderi bisi besedia 30 minit sebedau enggau 30 minit sepengudah Sembiang Jalai Regang.
- 40 HARI LENT
40 Hari Lent, iya nya bacha ninting hari ari Bup Kudus ke ditulis ulih Fr. Andy kena ngiring nuanMacha, Merati enggau Besembiang ngena Jaku Allah Taala maya musin Lent tu, diatu bisi disedia ba penama Gerija tauka ari Kedai Bup Parish. Tau ngambi siti bup enggau rega RM3 siti.
- PEMERI MUSIN LENT 2022 CWS
Kunsil ‘Catholic Welfare Services’ bisi ngaga Pemeri Musin Lent ke diatur tetiap taun ngambika kena mantu enggau ngintu sida ke seranta enggau sida ke begunaka tulung ba Diosis. Karung surat kena ngengkah Pemeri Musin Lent deka disadung saritu. Isika ‘alamat’ tauka address kita ba karung surat nya enti kita deka minta resit kena nyeliahka pemeri kita ari dichukai lalu anjung pulai karung surat nya sereta enggau pemeri kita nengah Kutak Pemeri Lent ke deka diengkah ba luar Gerija. Semina pemeri RM100 enggau ke atas aja deka diberi resit. Kita mega tau masukka pemeri kita ngagai akaun bank “Catholic Welfare Services Council Sarawak, HONG LEONG ISLAMIC BANK BERHAD –No. Akaun: 25501001819”. Kita mega dipinta ngirumka slip bank lalu tuliska penerang diri ngagai Joseph Ling (019-8851622), Treasurer CWS, ka resit kena nyeliahka pemeri kita ari dichukai. Minta kitai sama gerah jari.
- MINTA MAYUH AGI RABAN PARISH NGAMBI-BAGI NYAUT TANYA SYNOD BISHOP 2023 VERSI DIGITAL.
Gerija minta mayuh agi raban parish ke bedau ngisi tinjau (survey) Synod Bishop 2023, nyaut tanya survey tu ngena versi digital. Hari ti penudi nganjung saut kita ngagai survey tu dilanjarka ngagai 1hb. Empat 2022. Kod QR bisi diengkah ba Papan Notis Gerija tauka ba website Parish. Beguna bendar kitai enggau ngambi bagi lalu meri penemu ba survey tu. Meri pengaga ati sereta enggau terima kasih ke sukung.
- BOOKING ENDUR MITING BA CHURCH
Bilik Conference, Parish Hall, Chapel enggau Magnificat Centre tau dibooking kena begempuru/miting home cell group, prayer miting tauka kena ngatur sebarang aktiviti parish. Ke penerang ti silik agi tau tanya ba Opis Parish
KA PENERANG TI SILIK AGI PASAL BERITA GERIJA TAU DIPEDA BA PAPAN NOTIS GERIJA TAUKA BA WEBSITE TAUKA FB PAGE PARISH.
JAKU GERAH (TAMBAH):
Ke sida ke enda ulih nerima abus maya Hari Tiga Abus hari nya, kita dipinta datai ke mua altar maya lagu penutup, lebuh tu, sida ke udah nerima abus ulih pansut ari Gerija baka selama.
Minta sida ke nerima abus berintai nitihka atur bala warden lalu tau mansutka diri sepengudah nerima abus.
Fr. Andy Lee
Gerija St. Anthony, Bintulu
