- NANGGUHKA MISA NINTING HARI ENGGAU MISA HARI MINGGU
Nitihka Prosedur Operasyen Standard (SOP) ti pemadu baru ti dikeluarka Komiti Mutarka Penusah Ngenyit Nengeri Sarawak (JPBNS) enggau Unit Pekara Jalai Pengarap Bukai (UNIFOR), gerija ti dalam Zon Kuning enggau Gadung dikemendarka dibuka ungkup besembiang aja, tang penyampau orang ti dikemendarka ba siti-siti maya iya nya enda lebih ari 100 orang. Laban Bintulu agi ba Zon Mansau, gerija kitai agi bedau ulih dibuka.
2. AKAUN BANK GERIJA TI BARU
Belabuh ari minggu tu, akaun baru gerija baka ti di baruh:
Nama Akaun : The Bishop of Miri – St. Anthony’s Church, Bintulu
Number Akaun : 3218994713, Public Bank Berhad
Sebarang pekara bekaul enggau pasal belanja gerija, tau begunaka akaun tu belabuh ari diatu. Gerija minta ampun ka sebarang penanggul ketegal tu.
3. WEBSITE BARU GERIJA
Deka muka Misa Ninting Hari enggau Misa Hari Minggu ti ditabur terus nengah Online, tauka deka nemu pasal refleksyen Jaku Tuhan, Berita Gerija, enggau penerang ti bukai bekaul enggau hal gerija, tau giga ba website baru gerija: http://www.stanthonybintulu.org
4. SEMBIANG JALAI REGANG
Bisi Sembiang Jalai Regang diatur terus nengah Online tetiap Hari Lima maya Musin Lent tu.
| 7:30 LEMAI | JAKU ENGLISH | KATHEDRAL ST. JOSEPH, MIRI |
| 7:30 LEMAI | JAKU IBAN | GERIJA ST. DOMINIC & THE ROSARY, TAMAN TUNKU |
| 7:30 LEMAI | JAKU MANDARIN | GERIJA ST. ANTHONY, BINTULU |
| 8:30 LEMAI | BAHASA MALAYSIA | KATHEDRAL ST. JOSEPH, MIRI |
Tau dipeda ba FB tauka Channel YouTube ba siti-siti gerija.
5. BERITA BARU PASAL KUPON EASTER DRAW 2021
Naka ke minggu tu, gerija udah nyual sepenyampau RM 92,830.00 rega kupon. Gerija meri besai terima kasih ngagai sida ke udah gerah jari bebelika kupon lalu arapka mayuh agi meh bala bukai nyerahka diri besaup bejualka kupon tu. Kitai bisi kurang ari 2 bulan da endur bechabutka Easter Draw tu, iya nya kena 10hb. April 2021 kena ngiga belanja ka Kathedral kitai ti baru. Kupon agi bisi aba opis gerija, sapa ke agi ka meli kupon tau datai ngagai opis gerija.
6. PEMERI MUSIN LENT 2021
Raban gerija ke deka meri Pemeri Musin Lent tu, tau ngenataika diri ngagai opis gerija tauka WhatsApp ngagai 016-2248126 enggau madahka nama diri lalu enggau gambar skrin slip bank ke pemeri ti udah dipasukka ngagai akaun gerija abis laun kena 30hb. Jun 2021. Pemeri RM100 enggau ke atas ulih dilepaska ari chukai. Nya alai, tau madahka opis gerija enti deka begunaka resit dikena ngelepaska pemeri tu ari chukai.
7. TANYA TENTANG VAKSINASYEN COVID-19
Ka penerang ti dalam agi pasal penemu Gerija tentang vaksinasyen COVID-19, tau peda ba Surat ari Bala Bishop (Pastoral Letter) ti dikeluarka Gerempung bala Bishop Gerija Katolik Malaysia ari website gerija.
Fr. Andy Lee
Gerija St. Anthony, Bintulu
