- NANGGUHKA MISA NINTING HARI ENGGAU MISA HARI MINGGU
Ka penerang ti pemadu baru tentang Prosedur Operasyen Standard (SOP) ti dikeluarka Komiti Mutarka Penusah Ngenyit Nengeri Sarawak (JPBNS), tau peda ba website gerija: http://www.stanthonybintulu.org
2. TAUN SANTE JOSEPH
Pope Francis udah madahka “Taun Sante Joseph” belabuh ari 8hb. Disember 2020 ngagai 8hb. Disember 2021. Hari Besai Sante Joseph di-intu kena 19hb. Mac 2021. Kena nyediaka hari besai tu, bisi Novena ngagai Sante Joseph di-intu 9 malam belabuh ari 10hb~18hb Mac 2021. Atur (jadual) Novena nengah online baka tu:
| Jam | Jaku | Endur |
| 7.30 lemai | Inggeri | St. Anthony, Bintulu |
| 7.30 lemai | Mandarin | St. Dominic and the Rosary, Taman Tunku |
| 8.30 lemai | Iban | St. Anthony, Bintulu |
| 8.30 lemai | BM | St. Dominic and the Rosary, Taman Tunku |
Tau dipeda ba FB tauka Channel YouTube ba siti-siti gerija.
Beserimbai enggau tu, bisi dian enggau kad sembiang Taun Sante Joseph dalam jaku Mandarin, Inggeris enggau BM dijual ba kedai bup gerija. Tau meli ungkup diri enggau ungkup diri sebilik ngambi bisi kena sembiang begulai.
Kitai deka nyebut Sembiang ngagai St. Joseph sebedau berekat ti penudi ba tetiap Misa Hari Minggu belabuh ari Hari Minggu tu.
3. SEMBIANG JALAI REGANG
Bisi Sembiang Jalai Regang diatur terus nengah Online tetiap Hari Lima maya Musin Lent tu. Ketegal bisi Novena, bisi ubah ba jam Sembiang Jalai Regang kena Hari Lima tu (12hb. Mac 2021) tu:
| Jam | Jaku | Endur |
| 5.30 lemai | Iban | St. Dominic and the Rosary, Taman Tunku |
| 5.30 lemai | Inggeris | St. Anthony, Bintulu |
| 6.30 lemai | BM | St. Dominic and the Rosary, Taman Tunku |
| 6.30 lemai | Mandarin | St. Anthony, Bintulu |
Tau dipeda ba FB tauka Channel YouTube ba siti-siti gerija.
4. BERITA BARU PASAL KUPON EASTER DRAW 2021
Naka ke minggu tu, gerija udah nyual sepenyampau RM 175,080.00 rega kupon. Gerija meri besai terima kasih ngagai sida ke udah gerah jari bebelika kupon lalu arapka mayuh agi meh bala bukai nyerahka diri besaup bejualka kupon tu. Kitai bisi sebulan da endur bechabutka Easter Draw tu, iya nya kena 10hb. April 2021 kena ngiga belanja ka Kathedral kitai ti baru. Kupon agi bisi aba opis gerija, sapa ke agi ka meli kupon tau datai ngagai opis gerija.
5. PEMERI MUSIN LENT 2021
Raban gerija ke deka meri Pemeri Musin Lent tu, tau ngenataika diri ngagai opis gerija tauka WhatsApp ngagai 016-2248126 enggau madahka nama diri lalu enggau gambar skrin slip bank ke pemeri ti udah dipasukka ngagai akaun gerija abis laun kena 30hb. Jun 2021. Pemeri RM100 enggau ke atas ulih dilepaska ari chukai. Nya alai, tau madahka opis gerija enti deka begunaka resit dikena ngelepaska pemeri tu ari chukai.
6. BAUM NGENA ZOOM (ZOOM MEETING)
Gerija kitai udah ngudal akaun ‘Zoom meeting’ awakka bisi dikena gerempung gerija tauka mayuh bengkah ministri dalam gerija ke deka baum nengah ‘online’ ke aktiviti gerija baka bebagika jaku Tuhan tauka cell group, rosary, divine mercy, kelas ‘online’ (Baptisa, Pengentap, Kumini Kudus Keterubah tauka Kursus Kawin), enggau baum (meetings). Enti deka nemu penerang ke lebih silik, tau ngenataika diri ngagai opis gerija lalu ngambu maya (ngaga booking) enti deka ngatur aum ngena Zoom.
7. JAKU TERIMA KASIH
Belabuh ari 1hb. Mac 2021, menyadi kitai Peter Chiam enggau Victor Bong ke udah enggau ati ti taluk bendar mela ba opis Gerija St. Anthony, Bintulu udah badu gawa (retired). Gerija meri besai terima kasih ngagai seduai ke udah bebendar gawa sereta nyerahka diri mela raban gerija pengelama betaun-taun ti udah. Besampi awakka Tuhan merekatka seduai belama-lama.
Fr. Andy Lee
Gerija St. Anthony, Bintulu
