- PEMAYUH ULIH ENGGAU DATAI MISA
Pemayuh orang ke ulih enggau datai misa diatu ditikika ari 100 iku ngagai 200 iku ka semua Misa (nyengkaum Misa Ninting Hari) di Gerija St. Anthony enggau Gerija Stella Maris. Taja pia, raban gerija agi dipinta ngaga booking enti ka enggau Misa Hari Minggu. Minta raban gerija meda ba Papan Notis Gerija ka numur talipun ke dikena booking Misa Hari Minggu. Misa Kawin enggau Misa Orang Parai, pemayuh orang ke datai agi mengkang titatak ba 100 iku aja.
- JAKU TANYA SYNOD BISHOP
Semua Jaku Tanya tu deka disediaka dalam keretas ti deka diengkah ba penama Gerija. Minta kita nganjung saut kita ka Jaku Tanya tu ba kutak synod ti disediaka ba penama Gerija tauka anjung ngagai Opis Parish sebedau 1hb. Satu 2022. Berita ti silik tau peda ba Papan Notis Gerija.
- MISA SOLEMNITI IMACULAT KONCEPTION MARIA DARA TUCHI
Haribulan: 8hb. Duabelas 2021 (Hari Tiga)
Jam : 7.00 pagi enggau 7.00 lemai di Gerija St. Anthony,
7.00 lemai di Gerija Stella Maris.
Baka ke ngelama tu, kena lemai Hari Tiga, bisi Holy Hour sepengudah misa di Gerija St. Anthony enggau Gerija Stella Maris.
- NGAKU PENYALAH MAYA MUSIN PENATAI
Bala paderi bisi sereta besedia deka nerima bala ke deka ngaku penyalah ba bilik ngaku penyalah (confessional), setiap 30 minit sebedau Misa Hari Minggu belabuh. Maya hari kereja (weekdays), bala paderi deka besedia kena jam 6 lemai tauka 30 minit sebedau Misa Ninting Hari belabuh ba Gerija St. Anthony pukul 6:30 lemai. Raban gerija ke deka ngaku penyalah tau mega datai ngagai Opis Parish maya jam bekereja.
- NGANJUNG NAMA ENGGAU BEPILIH KA PARISH COUNCIL (2022-2024)
Minta mulaika pom nganjung nama chalon ke deka dipilih nyadi raban Parish Council. Chara nganjung pulai pom tu iya nya, simpan dalam kutak ti dikena engkah nama chalon (nomination box) ke bisi disediaka ba penama Gerija saritu, 5hb. Duabelas 2021 tauka anjung gambar (snapshot) pom tu ngagai numur talipun parish 0162248126. Semina 20 iku chalon ke udah ditapis aja deka diengkah ba keretas undi lalu raban gerija ke beumur 18 taun enggau ke atas dipinta milih 12 iku chalon. Muai undi deka diatur kena Hari Minggu, 19hb. Duabelas 2021 sebedau misa, maya ngerejista masuk gerija.
Fr. Andy Lee
Gerija St. Anthony, Bintulu
