(1HB. LIMA 2022)
- SOP BARU ARI SDMC (JPBNS), DIKENA BELABUH ARI 1hb. LIMA
Komiti Mutarka Penusah Ngenyit Negeri Sarawak (JPBNS) udah ngeluarka SOP ke baru sereta ke lebih tendu agi ti dikena belabuh ari 1hb. Lima 2022 tu. Nya alai, minta semua sama beratika ubah atur ba semua gerija baka ti di baruh:
- Enda begunaka seraka fizikal agi.
- Enda ibuh ‘booking’ enti ka enggau misa.
- Enda ibuh ngerejista ngena MySejahtera tauka nulis nama ba bup.
- Enda ibuh meresa sekali ka udah divaksin tauka bedau.
- Nadai agi Misa Ba Palan Engkah Kereta (Car Park Mass).
- Nadai agi Misa nengah live streaming.
- Taja pia, bekenaka sengkabung idung enggau nyawa mengkang agi dikemaranka dalam kandang gerija.
- BULAN ROSARY
Kitai diperansang besembiang Rosary begempuru ba Bulan Lima tu baka diri sebilik lalu besampika pemaik ke diri sebilik lalu mega ke seluruh dunya.
- HARI LIMA KETERUBAH BULAN NYEMBAH
Haribulan : 6hb. Lima 2022
Endur : Adoration Chapel Gerija St. Anthony
Jam : 12 tengahari – 12 tengah malam.
Minta kita nulis nama diri ba keretas ke udah disediaka ba Papan Notis Gerija tauka WhatsApp ngagai numur parish (0162248126), ngambu maya ke deka dipilih diri. Raban parish mega tau nepuka sembiang peminta kita ke dalam kotak ke bisi disediaka ba penama Gerija tauka anjung sembiang peminta kita nengah WhatsApp ngagai numur parish.
- RETREAT NINTING TAUN BALA PADERI
Bala paderi kitai deka enggau ‘retreat’ ke diatur tiap-tiap taun belabuh ari 9hb. ngagai 13hb. Lima 2022 tu di Sibu. Nya alai nadai misa enggau ‘holy hour’ di Gerija Stella Maris kena Hari Tiga 11hb. Lima 2022. Taja pia, Misa Ninting Hari enggau ‘holy hour’ deka diatur baka selama di Gerija St. Anthony.
- SUNDAY SCHOOL (JAKU IBAN)
Nadai Sunday School Dalam Jaku Iban kena Hari Minggu saritu (1hb. Lima) lalu Sunday School Dalam Jaku Iban deka dibuka baka selama kena 8hb. Lima 2022.
- HARI INDAI (MOTHERS’ DAY)
Hari Minggu baru, 8hb. Lima 2022 iya nya Hari Indai. Bisi merekat bala indai ba tiap-tiap Misa. Awakka kitai sama ingat sereta besembiangka semua sida indai-indai maya bulan Rosary tu.
- MAKAI LEMAI MERI TERIMA KASIH & PRA GAWAI
Makai Lemai Meri Terima Kasih (Thanks Giving Dinner) beserimbai enggau Hari Pengada Rev.Fr. Philip Empalah sereta Hari Pengada Sister Maria Goritti lalu mega Pra – Gawai 2022. Diatur kena 15hb. Lima 2022 ba Mandarin Restaurant. Diatu agi bisi 10 iti meja agi kosong, lalu kita ke deka enggau makai lemai tu tau nanya ke penerang ba Anthony Kiai enggau Polycarp Panggau.
KA PENERANG TI SILIK AGI PASAL BERITA GERIJA TAU DIPEDA BA PAPAN NOTIS GERIJA TAUKA BA WEBSITE TAUKA FB PAGE PARISH.
Fr. Andy Lee
Gerija St. Anthony, Bintulu
