- MUKA BARU GERIJA KENA MISA HARI MINGGU
Bisi miting deka diatur antara bala paderi enggau bala pengari ari ‘prayer groups’ jaku China, English, Iban enggau BM kena Hari Satu (Monday), 26hb. Tujuh, jam: 8:30 lemai nengah ‘Zoom’ deka bejuraika langgur ti deka muka Gerija St. Anthony, Stella Maris enggau Rumah Penampak Kristus kena Misa Hari Minggu. Minta kitai sama besabar dulu laban gerija deka nentuka SOP ke mesti dikemeranka maya gerija dibuka ngagai bala mayuh ila. Penerang ti lebih agi deka dipadah enda lama da agi.
2. GAWAI MISA NGINGATKA ORANG TI UDAH PARAI (COMBINED REQUIEM MASS)
Gawai Misa Begulai, Ngingatka Orang Ti Udah Parai ungkupka Bulan Tujuh (Julai) tu diatur kena Hari Lima, 30hb. Tujuh 2021, jam 7 pagi maya misa ninting hari ke ditabur terus nengah ‘online’. Nama sida ke udah parai ke deka diserah dalam misa tu, tau dirijista ba Opis Gerija tauka WhatsApp ngagai 0162248126 sebedau Hari Tiga, 28hb. Tujuh 2021. Berita ti silik agi tau dipeda ba website gerija.
3. KURSUS PENGENTAP NENGAH CHARA ‘ONLINE’
Kursus tu dibuka ngagai semua nembiak sekula secondary ke be-umur 15 taun ke atas, udah dibaptisa lalu udah nerima komuni kudus keterubah. Kursus tu deka belabuh ba ujung Bulan Lapan tu ila. Ngerijista enggau kursus tu dibuka sepengelama sebulan. Minta ngerijista nengah WhatsApp lalu padahka nama enggau jaku ti dipilih ngagai numur gerija 0162248126.
Fr. Andy Lee
Gerija St. Anthony, Bintulu
