- ATUR (SOP) BARU PASAL MISA HARI MINGGU
- Pemayuh orang ke ulih enggau Misa diatu udah ditikika ngagai 400 iku ba Gerija St. Anthony, lalu 350 iku ba Gerija Stella Maris. Nya alai, enggau tu, belabuh ari Hari Minggu baru (23/1) raban parish enda ibuh ngaga booking enti ka enggau Misa Hari Minggu dalam jaku Iban. Kita tau datai terus (walk-in) lalu ngerejista diri ngena MySejahtera ba penama Gerija. Taja pia, kitai deka pulai baru ngena booking enti pemayuh orang datai ke gerija ngelui ari pemayuh ti udah ditatak.
- Anembiak ke be-umur baruh ari 12 taun tau enggau datai ngagai Gerija tang sida mesti bisi disimpulang orang ke besai-tuai ke udah penuh dituchuk vaksin.
- TABUNG TASAH LABAN BAH NASIONAL
Gerija Katolik dalam Malaysia, nengah Caritas diatu benung ngumpul belanja dikena nulung sida ke tasah laban bah. Kitai bisi ngumpul pemeri ‘khas’ ngagai tabung tu saritu. Minta semua kitai sama bela gerah jari lalu beri meh pemeri nuan ke dalam kutak pemeri ti bisi disediaka ba penama Gerija.
- PARISH COUNCIL BARU 2022-2024
Nama 15 iku raban Parish Council ke baru, baka ti di baruh:
| Dorothy Pau | Daniel Sedau | Jacqueline Kong |
| Maria Deng | Freddy Jacob | Hillary Mawan |
| George Anturan | Anthony Kiai | Paul Siew |
| Henry Layu | Cecilia Mutek | Maydeline Ijon |
| Francis Kalang | James Tang | Jaffery Embit |
Aram kitai besampika semua raban Parish Council kitai ke baru tu, awakka sida dipenuhka enggau Roh Kudus ngambi seretai nyingkang lalu beserakup bekereja kena ngemansangka perintah Allah Taala dalam parish kitai. Page Break
- RECOLLECTION KA BALA PEMACHA
Bala pemacha ari Misa Jaku Iban dikangau enggau ‘recollection’ ka bala pemacha ke deka diatur nengah online, (Live Streaming) kena Hari Minggu (16hb. Satu 2022) jam 7:00 lemai ari Gerija St. Dominic and the Rosary, Taman Tunku. Berita ti silik agi tau dipeda ba Youtube tauka ba FB page sida.
Minggu baru, 23hb. Satu 2022 nya Hari Minggu Jaku Allah Taala. Nya alai bisi pengawa merekat bala pemacha ba semua Misa Hari Minggu. Aram kitai besampika semua pemacha kitai, awakka sida meritaka Jaku Allah Taala dalam kuasa Roh Kudus.
- DAILY MASS (MISA NINTING HARI) ENGGAU HOLY HOUR
Nadai daily mass enggau holy hour ba Gerija St. Anthony enggau Gerija Stella Maris kena Hari Tiga (19hb. Satu 2022) laban semua bala paderi bisi enggau meeting di Miri. Misa pagi ba Gerija St. Anthony deka belabuh baru kena Hari Empat.
- RCIA DALAM JAKU IBAN TAUN 2022/2023
Kelas RCIA 2022/2023 dalam Jaku Iban deka belabuh diatur dalam taun tu. Ngerejista belajar enggau RCIA dalam Jaku Iban deka diatur dalam 3 minggu sepengudah Misa Iban
(06/02 – 20/02/2022). Ngerejista deka diatur ba Hall Gerija St. Anthony, jam 11:00 pagi. Kelas RCIA deka belabuh kena 06/03/2022 jam 11.00 pagi ba Hall Gerija St. Anthony tiap-tiap Hari Minggu sepengudah Misa Iban. Raban gerija mega diperansang ngerembaika berita tu ngagai bala ti deka belajarka pengarap Katolik.
KA PENERANG TI SILIK AGI PASAL BERITA GERIJA TAU DIPEDA BA PAPAN NOTIS GERIJA
Fr. Andy Lee
Gerija St. Anthony, Bintulu
