- ATUR PEMADU BARU DATAI ENGGAU MISA
Belabuh ari Bulan Sepuluh tu, raban gerija, nyengkaum bala nembiak ke deka datai enggau Misa Hari Minggu mesti udah tembu nerima 2 dose vaksin. Minta nganjung setipikit udah divaksin lebuh nuan ngaga booking enggau misa.
2. PENATAI BA MISA
Minta kasih ari bala ke udah booking enggau misa, tentuka kita datai enggau misa. Enti nuan enda ulih datai, tulung madahka orang ke ngatur booking ngambika penuduk nuan tau diberi ngagai orang bukai.
Laban diatu sida ke bekuasa enda agi ngaga pengawa ti begigaka orang ke bisi kaul rapat enggau orang ke bisi positif covid-19 (contact tracing), nya alai nyadika tanggungjawab nuan empu ngambika selalu nentuka pengelikun enggau pengerai diri belama.
Enti nuan nya bisi kaul rapat enggau orang ke bisi kes positif Covid-19, minta kita nyeliahka diri begaul enggau orang bukai (self-isolation) pengelama 2 minggu, ngaga peresa swab lalu nyeliahka diri ari enggau Misa. Enti nuan ngasaika diri enda gerai tauka bisi ngasaika diri tabin, batuk, sakit rekung, beresin tauka ngasaika diri tusah enseput, minta kita anang datai enggau Misa.
3. TINJAU ENGGAU TANYA-SAUT KA BALA NEMBIAK
Parish St. Anthony benung ngaga tinjau (survey) ngambi nemu enggau lebih dalam nembiak Katolik ba Bintulu ngambi ulih nulung sida ba pekara ti diguna roh sida. Semua nembiak ke be-umur antara 13-40 taun diperansang enggau ngambi bagi ba tinjau tu. Kita tau ngisi tinjau tu nengah ‘google form’ tauka anjung gambar (snapshot) saut kita ngagai numur talipon parish 0162248126. Tinjau tu deka tutup kena 31hb. Sepuluh 2021.
4. BULAN SEPULUH, BULAN ROSARI
Nuju sapa-sapa ke deka enggau Sembiang Rosari nengah ‘Online’ dalam Jaku Iban ti diatur ulih HCG Iban sepemanjai Bulan Sepuluh tu, tau talipon ngagai numur parish 0162248126.
5. MEREKAT JELU TUPI
Beserimbai enggau Hari Besai St. Francis, iya ti Patron Saint ke Jelu, kitai bisi merekat Jelu Tupi kena Hari Satu, 4/10/2021, belabuh jam 8.30 pagi sampai ngagai 4.30 lemai. Kita di pinta contact Parish Office nengah talipon no. 016-2248126, booking maya berekat.
6. KURSUS KAWIN DALAM JAKU IBAN SECARA ONLINE
Kursus kawin dalam jaku Iban deka di atur kena Hari Enam, 23/10/2021 jam 8.00am ngagai 2.00pm ngena cara online (zoom meeting).
Bujang dara ti ngelanggur diri deka nerima sabung jadi ba gerija tau ngerejister enggau kursus tu ba opis Gerija St. Anthony (016-2248126) enda laun ari 20/10/2021.
Penerang ti silik agi tau dipeda ba FB enggau website gerija.
Fr. Andy Lee
Gerija St. Anthony, Bintulu
