- PEMAYUH ULIH ENGGAU DATAI MISA
Belabuh ari 28hb. Sebelas 2021 (Hari Minggu Katerubah Musin Penatai, Taun C), pemayuh orang ke ulih enggau datai misa ditikika ari 100 iku ngagai 200 iku ka semua Misa (nyengkaum Misa Ninting Hari) di Gerija St. Anthony enggau Gerija Stella Maris. Taja pia, raban gerija agi dipinta ngaga booking enti ka enggau Misa Hari Minggu.
Misa Kawin enggau Misa Orang Parai, pemayuh orang ke datai agi mengkang titatak ba 100 iku aja.
- UBAH JAM MISA HARI MINGGU
Berindik ari pemayuh orang ke ulih enggau misa ke deka ditikika ngagai 200 iku, belabuh ari Hari Minggu Katerubah Musin Penatai tu ila (28hb. Sebelas 2021), nadai agi Misa Hari Minggu jam 5:00 lemai diatur ba Gerija St. Anthony enggau ba Gerija Stella Maris.
- JAKU TANYA SYNOD BISHOP
Semua Jaku Tanya tu deka disediaka dalam keretas ti deka diengkah ba penama Gerija. Minta kita nganjung saut kita ka Jaku Tanya tu ba kotak synod ti disediaka ba penama Gerija tauka anjung ngagai Opis Parish sebedau 1hb. Satu 2022. Berita ti silik tau peda ba Papan Notis Gerija.
- GAWAI MISA BEGULAI NGINGATKA ORANG TI UDAH PARAI DALAM BULAN SEBELAS
Gawai Misa Begulai ngingatka Orang ti Udah Parai ti deka datai iya nya ba Hari Lima (19hb enggau 26hb Bulan Sebelas) jam 7.00 pagi ba Gerija St. Anthony. Minta ngisi karung surat pemeri misa ka sida ke udah parai lalu disimpan ba kotak ti bisi disedia ba penama Gerija. Tau ngerijista nama sida ke udah parai ba Opis Parish tauka WhatsApp ngagai 0162248126.
- kursus kawin dalam jaku iban secara online
Kursus kawin dalam jaku Iban deka diatur ba bulan 12 ngena chara online (zoom meeting). Bujang dara ke ngelanggur diri deka nerima sabung jadi ba gerija tau ngerejista enggau kursus tu ba opis Gerija St. Anthony (016-2248126) enda laun ari 01/12/2021.
- NGANJUNG NAMA NYADI KABAN KUNSIL PARISH (PARISH COUNCIL MEMBERS)
Raban gerija ke beumur 18 taun enggau ke atas dikangau enggau ngambi bagi nganjung nama bala raban gerija ke ba runding kita bisi pengelandik enggau bediri minta pilih nyadi Kaban Kunsil Parish ungkupka taun 2022-2024.
Sida ke ari Misa Jaku China, BM enggau English dipinta nganjung nama 4 iku orang, ari Misa Jaku Iban dipinta nganjung nama 8 iku orang ba siti pom. Semina 20 iku sida ke udah dipilih aja deka disimpan ba keretas undi. Pom ti dikena nganjung nama deka disadung ba minggu baru (21/11). Berita ti silik agi tau dipeda ba Papan Notis Gerija.
Fr. Andy Lee
Gereja St. Anthony, Bintulu
