- PEMAYUH ULIH ENGGAU DATAI MISA
Belabuh ari saritu, 28hb. Sebelas 2021 (Hari Minggu Katerubah Musin Penatai, Taun C), pemayuh orang ke ulih enggau datai misa ditikika ari 100 iku ngagai 200 iku ka semua Misa (nyengkaum Misa Ninting Hari) di Gerija St. Anthony enggau Gerija Stella Maris. Taja pia, raban gerija agi dipinta ngaga booking enti ka enggau Misa Hari Minggu.
Misa Kawin enggau Misa Orang Parai, pemayuh orang ke datai agi mengkang titatak ba 100 iku aja.
2. JAKU TANYA SYNOD BISHOP
Semua Jaku Tanya tu deka disediaka dalam keretas ti deka diengkah ba penama Gerija. Minta kita nganjung saut kita ka Jaku Tanya tu ba kutak synod ti disediaka ba penama Gerija tauka anjung ngagai Opis Parish sebedau 1hb. Satu 2022. Berita ti silik tau peda ba Papan Notis Gerija.
3. KURSUS KAWIN DALAM JAKU IBAN NGENA CHARA ONLINE
Kursus kawin dalam jaku Iban deka diatur ba bulan 12 ngena chara online (zoom meeting). Bujang dara ke ngelanggur diri deka nerima sabung jadi ba gerija tau ngerejista enggau kursus tu ba opis Gerija St. Anthony (016-2248126) enda laun ari 01/12/2021.
4. MISA ENGGAU HOLY HOUR
Belabuh ari 1hb. Duabelas 2021, Misa deka diatur ba Gerija St. Anthony enggau Gerija Stella Maris setiap Hari Tiga jam 7:00 lemai, lalu diteruska enggau Holy Hour belabuh jam 7:30 lemai. Misa pagi Hari Tiga ba Gerija St. Anthony bisi diatur baka selama, jam 7:00 pagi.
5. NGAKU PENYALAH MAYA MUSIN PENATAI
Pom kena Nganjung Nama nyadi kaban Kunsil Parish deka disadung ulih bala warden saritu, udah abis Misa tu lagi. Minta kita ngisi pom tu lalu dianjung pulai saritu tauka kena Hari Minggu baru 5hb. Duabelas 2021. Chara nganjung pulai pom tu iya nya, simpan dalam kutak ti dikena engkah nama chalon (nomination box) ke bisi disediaka ba penama Gerija tauka anjung gambar (snapshot) pom tu ngagai numur talipun parish 0162248126. Berita ti silik agi tau dipeda ba Papan Notis Gerija.
6. NGAKU PENYALAH MAYA MUSIN PENATAI
Belabuh ari Hari Minggu tu, 28hb. Sebelas 2021, bala paderi bisi sereta besedia deka nerima bala ke deka ngaku penyalah ba bilik ngaku penyalah (confessional), setiap 30 minit sebedau Misa Hari Minggu belabuh. Maya hari kereja (weekdays), bala paderi deka besedia kena jam 6 lemai tauka 30 minit sebedau Misa Ninting Hari belabuh ba Gerija St. Anthony pukul 6:30 lemai. Raban gerija ke deka ngaku penyalah tau mega datai ngagai Opis Parish maya jam bekereja.
Fr. Andy Lee
Gerija St. Anthony, Bintulu
