HARI MINGGU KE-4 MUSIN PASKA (C)

(8HB. LIMA 2022)

1. SOP BARU ARI SDMC (JPBNS), DIKENA BELABUH ARI 1hb. LIMA

Komiti Mutarka Penusah Ngenyit Negeri Sarawak (JPBNS) udah ngeluarka SOP ke baru sereta ke lebih tendu agi ti dikena belabuh ari 1hb. Lima 2022 tu. Nya alai, minta semua sama beratika ubah atur ba semua gerija baka ti di baruh:

• Enda begunaka seraka fizikal agi.
• Enda ibuh ‘booking’ enti ka enggau misa.
• Enda ibuh ngerejista ngena MySejahtera tauka nulis nama ba bup.
• Enda ibuh meresa sekali ka udah divaksin tauka bedau.
• Nadai agi Misa Ba Palan Engkah Kereta (Car Park Mass).
• Nadai agi Misa nengah live streaming.
• Taja pia, bekenaka sengkabung idung enggau nyawa mengkang agi dikemaranka dalam kandang gerija.

2. RETREAT NINTING TAUN BALA PADERI

Bala paderi kitai deka enggau ‘retreat’ ke diatur tiap-tiap taun belabuh ari 9hb. ngagai 13hb. Lima 2022 tu di Sibu. Nya alai nadai misa enggau ‘holy hour’ di Gerija Stella Maris kena Hari Tiga 11hb. Lima 2022. Taja pia, Misa Ninting Hari enggau ‘holy hour’ deka diatur baka selama di Gerija St. Anthony.   

3. SUNDAY SCHOOL (JAKU IBAN)

Sunday School Dalam Jaku Iban belabuh buka baru saritu 8hb. Lima 2022. Minta apai-indai nembiak enggau pengajar beratika berita tu.

4. BUP KENA NOVENA NGAGAI ROH KUDUS

Bup Novena udah bisi dijual ba Kedai Bup Parish (Parish Bookshop) tauka dibeli ari ketuai Iban Home Cell Group enggau rega RM4 siti.

Dalam Bup I bisi ngundan Sembiang Novena lalu ba Bup II bisi ngundan 9 iti ajar ngena rambai jaku (tema): “Bekelala enggau Roh Kudus.” Bup Novena tu deka dikena maya Novena Ngagai Roh Kudus, belabuh ari 27hb. Lima – 4hb. Enam 2022. Gerija meransang tiap ruangbilik ngembuan siti bup tu.

5. MISA GAWAI

Haribulan :  24^th May 2022 (Tuesday)

Endur       :  Gerija St. Anthony

Jam         :  8.00 lemai

Semua dikangau enggau misa lalu meri terima kasih ngagai Allah Taala.

6. MAKAI LEMAI MERI TERIMA KASIH & PRA GAWAI

Ka pengingat sida ke udah meli tiket: Makai Lemai Meri Terima Kasih (Thanks Giving Dinner) beserimbai enggau Hari Pengada Rev.Fr. Philip Empalah sereta Hari Pengada Sister Maria Goritti lalu mega Pra – Gawai 2022. Diatur kena 15hb. Lima 2022 ba Mandarin Restaurant.

KA PENERANG TI SILIK AGI PASAL BERITA GERIJA TAU DIPEDA BA PAPAN NOTIS GERIJA TAUKA BA WEBSITE TAUKA FB PAGE PARISH.

Fr. Andy Lee

Gerija St. Anthony, Bintulu