DI-BACHA ULIH KOMENTATOR 10 MINIT SEBEDAU MISA
Bala menyadi dalam Jesus Kristus,
Diatu kitai belabuh muka baru gerija dalam parish kitai, beguna bendar kitai patut selalu ngemeranka SOP Chara Idup Baru:
- Enda tau enda ngena penutup idung enggau mulut (face mask),
- Selalu nuchi jari ngena sabun enggau ai tauka ngena ‘sanitizer’,
- Selalu nentuka seraka fizikal abis nadai 1 meter enggau orang bukai.
Baka ni ka kitai nentuka seraka fizikal maya Misa?
- Duduk ba penuduk nitihka numur penuduk ti udah diberi ka nuan. Guna jalai tengah dalam gerija (centre isle) nuju ngagai penuduk nuan. Tu ngambika enda meraka orang bukai.
- Enti nuan deka keluar ari penuduk nuan, minta orang ke duduk beserimbai enggau nuan sama angkat ngambika nuan ulih keluar. Anang meraka orang laban nya udah ngelaban atur seraka fizikal.
- Lebuh maya nyambut Tubuh Kristus, raban gerija ke enda nyambut mega dipinta sama keluar berintai enggau sida ke nyambut ngambi tetap ngemeranka seraka fizikal belama.
- Sepengudah paderi nunduk ngagai altar, bala warden deka ngatur raban gerija keluar, sida ke duduk ba penuduk ti pengabis di belakang deka dulu keluar ari gerija. Maya tu raban gerija enda diperansang sembiang kediri laban tu ulih ngelubahka pengawa keluar ari gerija. Gerija minta setiap raban gerija ngambi bekereja-sama lalu besabar nganti idar diri empu keluar ngambi kitai mengkang ngemeranka seraka fizikal.
- GAWAI MISA NGINGATKA ORANG TI UDAH PARAI
Gawai Misa Begulai, ngingatka Orang ti Udah Parai (Combined Requiem Mass) ungkup Bulan Lapan (Ogos) deka diatur kena Hari Lima (Friday), 27hb. Ogos 2021, jam 7.00 pagi maya misa ninting hari ke ditabur terus nengah online. Minta ngerijista ba Parish Office tauka WhatsApp ngagai 0162248126 sebedau Hari Tiga (Wednesday), 25hb. Ogos 2021. Berita ti silik tau dipeda ba website gerija.
Fr. Andy Lee
Gerija St. Anthony, Bintulu
